ગીત અને સંગીતની દુનિયામાં કચ્છની ધરાનું પોતાના સુરથી દેશ-વિદેશમાં નામ ઉજાગર કરનારા લોકગાયિકા ગીતાબેન રબારીએ ગુજરાત રાજ્યના ઉચ્ચ અને ટેકનિકલ શિક્ષણ વિભાગના મંત્રી ત્રિકમભાઈ છાંગા સાથે મુલાકાત યોજી હતી. કળા-સંસ્કૃતિ અને શિક્ષણ ક્ષેત્રના વિકાસમાં આવી મુલાકાતો યુવાનો માટે પ્રેરણાદાયી બની રહે છે. તેવું તેમણે જણાવ્યું હતું. આ વેળાએ અગ્રણી જેમલભાઈ રબારી વગેરે સાથે રહ્યા હતા.

ગુજરાત પ્રદેશ પંચાયત પરીષદમાં નિમણૂંક પામનારા અંજાર તાલુકાના નગાવલાડીયા ગામના સરપંચ દેવાઇબેન અરજણ કાનગડએ રાજ્યના ઉચ્ચ શિક્ષણ અને ટેક્નિકલ વિભાગના મંત્રી ત્રિકમભાઈ છાંગાની શુભેચ્છા મુલાકાત લીધી હતી. મંત્રીનો આભાર માની શ્રીમતી કાનગડએ તેમનું શુભેચ્છા સન્માન કર્યું હતું. આ પ્રસંગે હર્ષાબેન ઠક્કર સાથે રહ્યા હતા.

સામાન્ય રીતે બેન્ક દ્વારા શ્રેષ્ઠ ગ્રાહકોનું સન્માન કરવામાં આવતું હોય છે પણ ભુજની ભુજ મર્કેન્ટાઇલ બેન્કમાં બેન્કના જ સિનિયર ગ્રાહક રાષ્ટ્રીય એવૉર્ડ વિજેતા શિક્ષક સેવાભાવી મગનભાઈ ઠક્કરે બેન્કના આસીસ્ટન્ટ જનરલ મેનેજર નરેન્દ્રભાઈ શાહનું હોસ્પિટલ રોડ શાખામાં જઈને સન્માન કર્યું હતું. બેન્કના ફાઉન્ડર ચેરમેન CA મહેન્દ્રભાઈ મોરબીઆ અને તેમની ટીમને તેઓએ બિરદાવી હતી બેન્કના AGM હિતેશ…