શિક્ષક દિને સન્માન, જિલ્લા કક્ષાએ ૪, તાલુકા કક્ષાએ ૯ની પસંદગી
રાજ્યમાં શિક્ષણ ક્ષેત્રે સારી કામગીરી કરનાર શિક્ષકોને સરકાર દ્વારા પારિતોષિકથી સન્માન અપાય છે. ચાલુ વર્ષે આવી સારી કામગીરી કરનાર શિક્ષકોની યાદી જાહેર કરાઇ છે. કચ્છમાં શ્રેષ્ઠ શિક્ષક પારિતોષિક ૨૦૨૬ પસંદગી પામેલા શિક્ષકોની પણ સત્તાવાર યાદી જાહેર કરાઇ છે.
શિક્ષણ ક્ષેત્રે ઉત્કૃષ્ટ કામગીરી બદલ વર્ષ ૨૦૨૬ના ‘શ્રેષ્ઠ શિક્ષક પારિતોષિક’માટે રાજ્ય, જિલ્લા અને તાલુકા કક્ષાએ પસંદગી પામેલા શિક્ષકોમાં રાજ્ય કક્ષાએ શ્રેષ્ઠ શિક્ષક પારિતોષિક કુલદીપસિંહ એમ.જાડેજા મદદનીશ શિક્ષક,વર્ધમાન જૈન બોર્ડિંગ અને વિદ્યાલય ઉચ્ચતર માધ્યમિક શાળા, વ. કટારીયા (ભચાઉ)ને જાહેર કરાયા છે. જ્યારે જિલ્લા કક્ષાએ શ્રેષ્ઠ શિક્ષક પારિતોષિકમાં ભાવિનીબેન એમ.ત્રિપાઠી મદદનીશ શિક્ષિકા,માતૃછાયા કન્યા વિદ્યાલય ભુજ, ડૉ. વિષ્ણુ એમ.ચૌધરી આચાર્ય સારસ્વત્તમ સંચાલિત હાઇસ્કુલ નિરોણા,નખત્રાણા, ડૉ.હેતલબેન એમ.ગોસ્વામી: સી.આર.સી. કો-ઓ.ભુજ શાળા નંબર ૧૦, શંકરલાલ પી. ગામોટ: મદદનીશ શિક્ષક,ચોબારી (મોમાયમોરા) પ્રા.શાળા,ભચાઉ, જ્યારે તાલુકા કક્ષાએ શ્રેષ્ઠ શિક્ષક પારિતોષિકમાં જીગરકુમાર બી. પટેલ:મુખ્ય શિક્ષક,જબલપુર પ્રાથમિક શાળા, મુન્દ્રા, અમીબેન કે. ચનિયારા: મદદનીશ શિક્ષિકા,અમરસર પ્રા.શાળા,ભચાઉ, હિતેશકુમાર એમ. ચૌધરી: મુખ્ય શિક્ષક, શ્રી ગુનેરી પ્રાથમિક શાળા લખપત,ગોવિંદભાઈ નેમાંભાઈ કુંભાર: મુખ્ય શિક્ષક,કલરાવાંઢ પ્રા.શાળા ,લખપત,વૈશાલીબેન વી. હડિયા: મદદનીશ શિક્ષિકા,ઝરપરા શાળા નંબર ૨, મુન્દ્રા, જ્યોત્સના બી. ખત્રી: મદદનીશ શિક્ષિકા,તાલુકા ગ્રુપ શાળા નંબર ૧ માંડવી ,રતનજી એ. પઢીયાર: મદદનીશ શિક્ષક, પાંચટીયા પ્રા.શાળા, માંડવી,મહેશકુમાર એન. બાલાસરા: મદદનીશ શિક્ષક,બાલાસર કન્યા પ્રા.શાળા,રાપર) પ્રવિણાબેન કરશનભાઈ ડેર: મદદનીશ શિક્ષક, સીતારામપુર પ્રા.શાળા નં. ૧૦ ભચાઉનો સમાવેશ થાય છે.
જિલ્લા શિક્ષણાધિકારી સંજય પરમારે જણાવ્યું હતું કે, જિલ્લાની પ્રાથમિક તેમજ માધ્યમિક-ઉચ્ચતર માધ્યમિક શાળાઓમાંથી ‘શ્રેષ્ઠ શિક્ષક પારિતોષિક’ અંતર્ગત દરખાસ્ત મંગાવ્યા બાદ વર્ગ-૨ અધિકારી,મદદનીશ શિક્ષણ નિરીક્ષક અને બી.આર.સી. કો-ઓર્ડીનેટર સહિતની ટીમ દ્વારા શિક્ષકની કામગીરીનું હકીકતલક્ષી મૂલ્યાંકન થયા બાદ જિલ્લા કક્ષાની કમિટી સમક્ષ ઈન્ટરવ્યુ પ્રક્રિયા પૂર્ણ થયા બાદ રાજ્ય કક્ષાની કમિટી સમક્ષ પસંદગી પામેલ શિક્ષકોને ઉપસ્થિત થવાનું હોય છે.કચ્છમાં પણ આ વર્ષે પાંચમી સપ્ટેમ્બર ૨૦૨૬‘શિક્ષક દિન’ના દિવસે કચ્છ જિલ્લાના આ શ્રેષ્ઠ શિક્ષકોનું સન્માન કરશે.
