તાલુકા પંચાયતની સભામાં વિકાસ કામોને બહાલી
માંડવી તાલુકા પંચાયતની વિકાસ કામોને લઈને સભા બોલાવવામાં આવી હતી. ટીડીઓ પરમાર, પ્રમુખ રેખાબેન પટેલ, કારોબારી ચેરમેન બળવંતસિંહ જાડેજા, સતા પક્ષના નેતા કીર્તિ ગોર, ઉપપ્રમુખ વિરમભાઇ ગઢવી, જિલ્લા પંચાયતના સદસ્ય જીવરાજભાઈ ગઢવી, વાલજી સંગાર, પ્રિયંકાબેન રાહુલ ગોસ્વામી, પરેશ સંગાર તેમજ તાલુકા પંચાયતના સદસ્યોએ ઉપસ્થિત રહિ ચર્ચામાં ભાગ લીધો હતો.
આ સભામાં વિપક્ષ અને સતાપક્ષ સામસામે આવી ગયા હતા. વિપક્ષ દ્વારા રજૂઆતો કરવામાં આવી હતી કે વિકાસ કામોમાં રાજકારણ ન લાવવામાં આવે. તાલુકા પંચાયતના વિપક્ષી સદસ્ય પ્રકાશભાઈ ગઢવી અને ખેરાજભાઈ ગઢવી એ વિકાસ કામોની ગ્રાન્ટોમાં અન્યાય ન થાય તે માટે રજૂઆતો કરી હતી , સતા પક્ષ દ્વારા તાલુકાના પ્રજાલક્ષી વિકાસ કાર્યોમાં અન્યાય નહીં થાય તેવું જણાવાયું હતું.
