ગુરુવારે સાંસદના હસ્તે કરાશે લોગોનું વિમોચન
ભુજ શક્તિ અને ભક્તિના પર્વ નવરાત્રી દરમ્યાન વ્યવસાયી ગરબીઓના ચોમેર જમાવડા વચ્ચે નિઃશુલ્ક પારંપરિક ગરબીના ક્ષેત્રમાં લોકચાહના સાથે અનેરું સ્થાન ઉભી કરનારી નમો નવરાત્રી આ વખતના નોરતામાં ફરી રંગત જમાવશે. એક વિરામ બાદ આ ગરબી આ વર્ષથી ફરી શરૂ થઈ રહી છે. અગાઉની જેમ આ વર્ષે પણ ભારતીય સંસ્કૃતિ અને પરંપરાને ઉજાગર કરવા સાથે નમો નવરાત્રી ૨૦૨૬ ની ઉજવણી ભવ્યાતિભવ્ય રહેશે. તેવું ગરબી ફરી શરૂ કરવાની વિધિવત ઘોષણા સાથે જણાવાયું છે. આ વર્ષે આશાપુરા સેવા ચેરિટેબલ ટ્રસ્ટ સાથે ભાવેશ લક્કી સેવા સ્મૃતિ ટ્રસ્ટ( ડુમરા ) , રાજપૂત કરણી સેના ગુજરાત , સ્વ નરેન્દ્રસિહ માધવજી જાડેજા ચેરિટેબલ ટ્રસ્ટ નલિયા, લક્કી ગ્રુપ ભુજ ના સંયુક્ત ઉપક્રમે નમો નવરાત્રીનું આયોજન થવા જઈ રહ્યું છે. જેના લોગોનું અનાવરણ કચ્છના સાંસદ વિનોદભાઈ ચાવડા દ્વારા ગુરુવારે બપોરે ૩:૪૫ કલાકે આશાપુરા મંદિર પરિસર ભુજ ખાતે કરવામાં આવશે. તેવું આયોજકોએ જણાવ્યું હતું.
