પ્યાસીઓના કાળજે જાણે “કારમો ઘા”

ભુજ તાલુકામાં પધ્ધર વિસ્તારમાં ચાર કરોડથી વધુના અંગ્રેજી પ્રકારના દારૂ પર તંત્રનું બુલડોઝર ફરી વળ્યું હતું. આ દ્રશ્ય જોઈ અનેક પ્યાસીઓના કાળઝા જાણે કકળી ઉઠ્યા હતા
પધ્ધર પોલીસ સ્ટેશન નજીક સરકારી પડતર જમીનમાં પોલીસ દ્વારા કબજે કરાયેલા દારૂને કાયદાકીય રીતે નષ્ટ કરાયો હતો.
​પદ્ધરના 1 અને માધાપરના 5 મળી કુલ 6 કેસમાં આ જથ્થો પકડાયો હતો. રાજ્ય મોનીટરીંગ સેલે ઝડપેલો દારૂનો જંગી જથ્થો પણ આમા સામેલ હતો. કાર્યવાહીમાં ​56,000 થી વધુ દારૂની બોટલો પર રોલર, બુલડોઝર ફેરવાયુ હતું. પશ્ચિમ કચ્છ પોલીસે કોર્ટની કાયદેસર પ્રક્રિયા પૂર્ણ કર્યા બાદ શુક્રવારે આ કામગીરી કરાઈ હતી. ભુજ પ્રાંત, નશાબંધી અને આબકારી વિભાગ અને પોલીસ અધિકારીઓ હાજર રહ્યા હતા.