૫૨.૯૦ લાખથી વધુના મુદ્દામાલ સાથે આરોપીઓ ઝડપાયા
મુંદરા પોલીસ સ્ટેશન વિસ્તારમાં બનેલી ઘરફોડ ચોરીની મોટી અને ગંભીર ઘટનાનો સ્થાનિક પોલીસે ભેદ ખોળી કાઢ્યો છે. પોલીસે આ ગુનામાં સંડોવાયેલા આરોપીઓને ઝડપી પાડીને કુલ રૂ. ૫૨,૯૦,૫૩૦/- ની કિંમતની માલમતા કબ્જે કરવામાં સફળતા મેળવી છે. રિકવર કરવામાં આવેલી માલમતામાં રોકડ રકમ ૨૩,૦૦,૫૦૦,
સોના-ચાંદીના દાગીના ૨૯,૪૦,૩૮૦ મળી ૫૨,૯૦,૫૩૦નો સમાવેશ થાય છે. આ કિસ્સામાંપકડાયેલ આરોપીઓમા સમીર શોકતઅલી ખોજા, હસનપીર બજાર, કેરાઇ ફળિયું, ખોજા મસ્જીદની બાજુમાં, મુંદરા અન યાસ્મીન શોકતઅલી ખોજા હસનપીર બજાર, કેરાઇ ફળિયું, ખોજા મસ્જીદની બાજુમાં, મુંદરાનો સમાવેશ થાય છે.
આ ગુણશોધન કામગીરી મુંદરા પોલીસ સ્ટેશનના ઇન્સ્પેક્ટર એમ.આર. શકોરીયાના માર્ગદર્શન હેઠળ, સબ ઇન્સ્પેક્ટર ડી.જે. ઠાકોર તથા સર્વેલન્સ સ્ટાફના કર્મચારીઓ દ્વારા પાર પાડવામાં આવી હતી. આ તસ્કરી નિવૃત અંધ શિક્ષકના ઘરમાંથી થઈ હતી. ચોરીમાં ઘરના સભ્યો જ આરોપી નીકળ્યા છે. બન્ને આરોપી માતાપુત્ર છે. તો ચોરીનો વાસ્તવિક આંક પણ ગુણશોધનમાં ફરિયાદમાં બતાવાયા કરતા ગણો મોટો નીકળ્યો છે.
